மார்ச், 2011 க்கான தொகுப்பு

SDPI KARAIKAL

Posted: மார்ச் 31, 2011 in KARAIKAL, SDPI


‎1. திருப்பூர் தெற்கு – அமானுல்லாஹ் – இரட்டை மெழுகுவர்த்தி
2. பாளையங்கோட்டை – ஷாஹுல் ஹமீது உஸ்மானீ ஆலிம் – டி.வி.
3. கடையநல்லூர் – நெல்லை முபாரக் – டி.வி.
4. இராமனாதபுரம் (சுயேட்சை) – ஃபெரோஸ்கான் – டி.வி.
5. நாகை பூம்புகார் – முஹம்மத் தாரிக் – …டி.வி.
6. கோவை தொண்டாமுத்தூர் – உமர் கத்தாப் – கேஸ் சிலிண்டர்
7. சென்னை துறைமுகம் – முஹம்மத் ஹுஸைன் – இரட்டை மெழுகுவர்த்தி
8. புதுவை நிரவி – பத்ருதீன் – டி.வி.


இஸ்லாமாபாத்:ஆளில்லா விமானத் தாக்குதல்(ட்ரோன்) நடத்துவதற்கு அமெரிக்காவிற்கு ரகசிய தகவல்களை பரிமாறும் உளவாளிகளை கண்டறிய பாகிஸ்தானின் வடக்கு பகுதியான வஸீரிஸ்தானில் தாலிபான்கள் தனியாக புலனாய்வுக் குழுவை நியமித்துள்ளனர்.

லக்‌ஷர்-இ-குராஸான் என்ற பெயரிடப்பட்ட இக்குழுவினருக்கு, உளவாளிகளை கைது செய்து மரணத்தண்டனை விதிக்க தாலிபான் அதிகாரம் வழங்கியுள்ளதாக எக்ஸ்பிரஸ் ட்ரிப்யூன் பத்திரிகை செய்தி வெளியிட்டுள்ளது.

புலனாய்வுக் குழுவில் எத்தனை பேர் இடம் பெற்றுள்ளனர் என்பது தெரியவில்லை. ஆனால், ஏறத்தாழ 300 பேர் இந்த நோக்கத்திற்காக செயல்படுவதாக அப்பகுதி வட்டாரங்களை மேற்கோள்காட்டி எக்ஸ்பிரஸ் ட்ர்ப்யூன் செய்தி வெளியிட்டுள்ளது.

அமெரிக்க ட்ரோன் தாக்குதல் வழக்கமாக நடைபெறும் தத்தாவேல், மிரம்ஷாஹ், மிர் அலி ஆகிய பகுதிகளில் தாலிபானின் புலனாய்வுக்குழு முக்கியமாக செயல்படுகிறது.

கடந்த ஆண்டு இக்குழுவினர் செயல்படத் துவங்கினர். துவக்கத்தில் இக்குழுவிற்கு பின்னடைவு ஏற்பட்ட போதிலும் பின்னர் திறம்பட செயல்படுவதாக இப்பகுதியில் செயல்படும் ஹக்கானி நெட்வர்க்கை சார்ந்த நபர் ஒருவர் கூறுகிறார்.

லஷ்கர்-இ-குரஸான் செயல்படுவதை ராவல் பிண்டியில் பாகிஸ்தான் ராணுவ தலைமையக அதிகாரி உறுதிச் செய்துள்ளார். இக்குழுவின் சட்டத்திட்டங்கள் குறித்து தகவல்கள் ஏதும் இல்லை.


கடையநல்லூர் சட்டமன்ற வேட்பாளர் முஹம்மது முபாரக் அவர்கள் பல்வேறு தேர்தல் வாக்குறுதிகளை கடையநல்லூர் தொகுதி மக்களுக்காக அறிவித்துள்ளார்கள்.

வாக்குறுதிகள் யாவுமே தொலைநோக்கு பார்வையுள்ள மக்களின் நலன் ஒன்றையே மையப்படுத்தும் வாக்குறுதிகள் . கடையநல்லூர் தொகுதி மக்களை இவை வெகுவாக கவர்ந்துள்ளது என்பதில் ஆச்சர்யமேதுமில்லை.

மக்களின் அடிப்படை அத்தியாவசிய தேவைகளான உணவு, உடை, இருப்பிடம், கல்வி, சுகாதாரம், மருத்துவம், வேலைவாய்ப்பு, சுதந்திரம், நீதி, பாதுகாப்பு போன்ற உயர்ந்த விழுமியங்களை பேணிக் காக்கும் நோக்கிலேயே இவ்வறிக்கைகள் எளிய நடையில் அமைந்துள்ளது என்றால் அது மிகையல்ல .

உதாரணமாக கடையநல்லூரை தனி தாலூக்கா வாகவும் , தென்காசியை தனி மாவட்டமாகவும் உருவாக பாடுபடுவது என்ற அவரின் ஒற்றை வாக்குருதியிலேயே கடையநல்லூர் தொகுதி மக்களின் அனைத்து தேவைகளையும் உணர்ந்துள்ள ஒரே வேட்பாளர் இவர்தான் என்கின்ற முடிவுக்கு வந்துவிடலாம் .

தற்போது திருநெல்வேலி மாவட்ட அரசு அலுவலகங்கள் அனைத்துமே மிக தொலைவில் அமைந்துள்ளதால் அடிக்கடி பொதுமக்கள் சென்று வர மிகுந்த சிரமத்திற்குள்ளகின்றனர். மருத்துவமனை யாகட்டும், மருத்துவ மற்றும் பொறியியல் கல்லூரியாகட்டும் அவை அனைத்துமே மிக தொலைவில் அமைந்துள்ளதால் மிகுந்த சிரமத்திற்கு கடையநல்லூர் தொகுதி வாழ் பொதுமக்கள் உள்ளாகியுள்ளனர் என்பதை அனைவரும் அறிவர்.வெகுஜன மக்களின் உணர்வுகளை மதிக்க தெரிந்த வேட்பாளரை கடையநல்லூர் மந்திரி மஜீத் போன்ற ஒருசிலரை தவிர தொகுதி மக்கள் இதுவரை கண்டதில்லை என்பதே உண்மை.

தென்காசியை தலைமையிடமாகக் கொண்டு தனி மாவட்டம் உருவானால் நமது தென்காசி மாவட்டத்தில் தனி மருத்துவக் கல்லூரி முதற்கொண்டு அனைத்து அரசு அலுவலகங்களும் நலத்திட்டங்களும் மக்களுக்கு எட்டும் தூரத்தில் அமைந்துவிடும் என்ற காரணத்தால் இக்கோரிக்கைகள் வெகுஜன மக்களின் நிறைவேற கனவாக இதுவரை இருந்துவந்துள்ளது. இதைப்பற்றி பேசிய முபாரக் அவர்களுக்கு நல்ல வரவேற்பும் செல்வாக்கும் கிடைத்துள்ளது

கடையநல்லூர் ஐ பொறுத்தவரையில் வேலைவாய்ப்பற்ற ஆண் பெண் பட்டதாரிகளின் எண்ணிக்கை மிக மிக அதிகம். வேட்பாளர், இவர்களின் எண்ணிக்கையை துல்லியமாக கணக்கெடுத்து உள்ளாரோ என்னவோ தெரியவில்லை இத்தகைய வேலைவய்பற்ற இளைஞர்களின் கல்வியறிவையும் திறமையையும் நாட்டு மக்களுக்காக சிறப்பான முறையில் முறையாக பயன்படுத்தவேண்டும் என்கின்ற நன்னோக்கில் சுய தொழில் மற்றும் தொழில் முன்னேற்றம் அடைய தொழிற் பூங்காக்கள் தொழிற்பேட்டைகள் அமைய பாடுபடுவேன் என்கின்ற வாக்குறுதியை அளித்துள்ளார்கள் .

தொலைகாட்சி பெட்டி தருவேன் டாஸ்மாக் கடைகளில் வேலை வாய்பை ஏற்படுத்துவேன் என்ற அரசியல் வாதிகளின் வாக்குறுதிகளுக்கு மத்தியில், மக்களை சுயமரியாதையுள்ளவர்களாக நாட்டின் வளர்ச்சிக்கு இளைஞர்களை ஈடுபாட்டுடன் பங்கேற்க வைக்க தூண்டுகோலாக அமையவுள்ள இந்த வாக்குறுதிகள் தொகுதி வாக்காளர்களை சிந்திக்க வைத்துள்ளது.

இதே போன்று கடையநல்லூர் சுற்றுவட்டார பகுதிகளில் நிலவும் குடிநீர் பிரச்சினையை தீர்ப்பது என்ற வாக்குறுதியும் முக்கியமானது. கடையநல்லூரில் எந்த கிழமைகளில் எப்போது தண்ணீர் வரும் என்று யாருக்குமே தெரியாது. இரவு நடுநிசி நேரத்தில், அதிகாலை நான்கு மணி என தண்ணீர் திறந்து விட எந்த வித வரையறையோ கட்டுப்பாடோ இல்லை . அறிவிக்கப்படாத மின்வெட்டை போலவே அறிப்பில்லாமல் தண்ணீர் திறந்துவிடப்படுகிறது . இதுபோன்ற மக்கள் பிரச்சினைகளை சரியாக உணர்ந்துள்ள ஒரே வேட்பாளர் முபாரக் அவர்கள் தான் என்று அவர்களின் தேர்தல் அறிக்கையின் மூலம் அறியமுடிகிறது, இதனால் எதிர்கட்சிகள் வட்டாரத்தில் சிறு அதிர்ச்சியை ஏற்படுத்தியுள்ளது

சுகாதார சீர்கேட்டை முற்றிலும் ஒழிப்பது என்ற கோரிக்கை சோசியல் டெமாக்ரடிக் பார்ட்டி நீண்டகாலமாக முனிசிபாலிட்டி அளவில் நீண்ட காலமாக போராடி வரும் பிரச்சினை. குப்பைகளை கொட்டி அதிலுள்ள பிளாஸ்டிக் பொருட்களை கூட அப்புறப் படுத்தாமல் எரித்துவிடுவது நகராட்சியின் வழக்கமாக உள்ளது. இதே போன்று பல வீடுகளுக்கு முறையான கழிப்பிட வசதிகள் கடையநல்லூர் நகராட்சி செய்து கொடுக்காததை சுட்டிக்காட்டியும் ரேசன் கடைகளில் அரிசி பருப்பு போன்ற அத்தியாவசிய மளிகை பொருட்கள் கடத்தப்படுவதையும் நகர தலைவர் நைனா முஹம்மது தலைமையில் கண்டித்து போராடி வந்திருக்கிறது.

மற்றொரு முக்கியமான பிரச்சினை விவசாய நிலங்களை பாதுகாப்பது விவசாயிகளையும் விவசாயத் துறையையும் பாதுகாப்பது என்பது தான். கடையநல்லூர் சுற்றுவட்டாரத்தில் தொழிற்சாலைகள் எதுவுமில்லாத காரணத்தாலும் பெரும்பாலானோர் வெளிநாடுகளை கூலி வேலை செய்ய சென்று பணம் சம்பாதித்து விட்டு ரியல் எஸ்டேட் இல் பணத்தை முதலீடு செய்வர். பணப் புழக்கம் அதிகமான காரணத்தால் வருமானம் தராத அந்த ஒரே நிலத்தையே பலர் அவர்களுக்குள்ளாகவே மாற்றி மாற்றி விற்று மனை புரோக்கர்களுக்கு நிரந்தர வருமானத்தை கொடுத்துவந்திருக்கின்றனர் . இத்தகைய புரோக்கர்களால் போட்டிகள் அதிகமாகி நிலத்தின் விலை செயற்கையாக உயர்ந்து விவசாய நிலங்கள் அனைத்தும் தற்போது வீட்டுமனைகளாக மாறியுள்ள அவலம். இது குறு மதியாளர்களுக்கு பணத்தை ஈட்டிக்கொடுத்தாலும் நாட்டின் மீது அக்கறையுள்ள பரந்த தொலை நோக்கு பார்வையுள்ள நன்மக்களுக்கு வருத்தத்தையே அளித்து வந்திருக்கிறது . மக்களின் இந்த நியாயமான உணர்வுகளையே எஸ் டி பி ஐ வேட்பாளரான முபாரக் அவர்களும் தேர்தல் வாக்குறுதிகளாக பிரதிபலித்து உள்ளார்கள்

இதே போன்று, அரசின் திட்டங்கள் மக்களை சென்றடைய தடையாக உள்ள இடை தரகர்களையும் தடங்கல்களையும் அப்புறப்படுத்துவது,பொது மருத்துவமனையை நவீனப்படுத்துவது, தேசிய நெடுஞ்சாலையில் விபத்துக்களை தடுக்க நடவடிக்கைகளை எடுப்பது, அரசு இயந்திரங்களில் புரையோடிக்கிடக்கும் லஞ்சம் லாவண்யம் மனித உரிமை மீறல் அதிகார துஷ்பிரயோகம் இவற்றை களைந்து ஜனநாயகம் மலரச்செய்வது, விலைவாசி உயர்வு மின் தட்டுப்பாடு போன்ற நீண்டகால மக்கள் பிரச்சினைகளை தீர்க்க குரல் கொடுப்பது , முஸ்லிம்களின் இடஒதுக்கீட்டை ஐந்து சதவீதமாக உயர்த்துவது வக்ப் வாரிய சொத்துக்களை முறைப்படுத்துவது , இளைஞர்களுக்கு வட்டியில்லா கடனுதவி வழங்குவது உலமா நல வாரியத்திற்கு அதிக நிதி ஒதுக்கீடு செய்வது, தமிழகத்தில் பூரண மது விலக்கு கொண்டு வர பாடுபடுவது, எட்டு ஆண்டுகளுக்கும் மேலாக சிறையில் வாட்டும் அப்பாவி இளைஞர்களின் விடுதலைக்காக குரல் கொடுப்பது போன்ற மக்களின் உண்மையான பிரச்சினைகளை சரியாக கண்டறிந்த வேட்பாளருக்கு ஒட்டுமொத்தமாக வாக்களிக்க கடையநல்லூர் தொகுதிவாள் பொதுமக்கள் ஆர்வமுடன் நாட்களை எண்ணி வருகின்றனர்.



மதுரை:போலியான வாக்குமூலம் பெற்று அப்பாவி முஸ்லிம் இளைஞர்களை சித்திரவதை செய்து சிறையில் அடைத்த காவல்துறையின் அராஜகத்தை கண்டித்து மதுரை நகரின் அனைத்து முஸ்லிம் ஜமாத் ஜமாத்தார்கள் மற்றும் அனைத்து முஸ்லிம் இயக்கங்களும் ஒட்டுமொத்த தேர்தல் புறக்கணிப்பு செய்யவுள்ளனர்.

இதுகுறித்து அவர்கள் விடுத்துள்ள பத்திரிக்கை செய்தி

“கடந்த 1.03.2011 அன்று மதுரை ஆர்.எஸ்.எஸ் அலுவலகத்தில் மாட்டுத் தலை வீசப்பட்டதாக கூறப்படும் சம்பவத்தில் கடந்த 08.03.2011 முதல் அப்பாவி முஸ்லிம்களை சட்டவிரோத காவலில் வைத்து 4 நாட்கள் கடுமையான சித்திரவதை செய்து மாட்டுத் தலையை போட்டது நாங்கள்தான் என்று ஒத்துக்கொள்ளுமாறு அடித்து துன்புறுத்தி வாக்குமூலங்களை பொய்யாக தாங்களே எழுதி, கத்திகளை சந்தையில் வாங்கி, ஆதாரங்களை போலியாக தயாரித்து பொய் வழக்கு புனைந்து அப்பாவி முஸ்லிம்கள் 5 நபர்களை சிறையிலடைத்தனர்.

மேற்படி அத்துமீற‌ல் சம்மந்தமாகவும், மததுவேசமாகவும், நடந்து கொண்ட காவல்துறையினர் மீது துறைரீதியான நடவடிக்கை எடுக்க கோரியும், போடப்பட்டுள்ள பொய் வழக்கில் உண்மை குற்றவாளிகளை கண்டறிய சி.பி.சி.ஐ.டி விசாரணைக்கு மாற்ற ஆவண செய்யக்கோரியும் கடந்த 15.03.2011 அன்று மதுரை மாவட்ட ஆட்சித் தலைவரை மதுரை முஸ்லிம் ஐக்கிய ஜமாத்தினரும், மதுரையில் உள்ள 90 பள்ளிவாசல்களின் நிர்வாகிகளுடனும் மற்றும் அனைத்து முஸ்லிம் இயக்கத்தினரும் நேரில் சந்தித்து மனு கொடுத்தோம்.

பின்னர் மேற்படி மனுவை உள்துறைசெயலாளரும், டி.ஜி.பி, ஏ.டி.ஜி.பி, தென்மண்டல ஐ.ஜி., ஆகியோரும் பதிவு தபாலில் அனுப்பினோம். பின்னர் மதுரை மா நகர காவல்துறை உயர் அதிகாரிகளிடமும் இது சம்பந்தமாக பல முறை புகார் செய்தோம்.

பின்னர் மேற்படி வழக்கை சி.பி.சி.ஐ.டி விசாரணைக்கு உத்தரவிட கோரி மதுரை நெல்பேட்டை அண்ணாசிலை அருகில் மதுரை முஸ்லிம் ஐக்கிய ஜமாத் தலைமையில் அனைத்து முஸ்லிம் அமைப்புகளும் கலந்து கொண்டு அமைதியான முறையில் அடையாள ஆர்ப்பாட்டம் நடத்தினோம்.

பின்னர் கடந்த 23.03.2011 அன்று மீண்டும் மதுரை மாவட்ட ஆட்சித் தலைவரை சந்தித்து சி.பி.சி.ஐ.டி விசாரணைக்கு பரிந்துரை செய்ய கோரினோம்.

கடந்த 22.03.2011 அன்று பல்வேறு மனித உரிமை அமப்புகள் ஒன்றிணைந்து உண்மை கண்டறியும் குழு ஒன்றை பேராசிரியரும் பிரபல எழுத்தாளருமான அ. மார்க்ஸ் அவர்கள் தலைமையில் உருவாக்கி பல்வேறு உண்மைகளை கண்டறிந்து கடந்த 23.03.2011 அன்று பத்திரிக்கையாளர் சந்திப்பு நடத்தி அறிக்கையையும் வெளியிட்டுள்ளார். அவ்வறிக்கையிலும் மேற்படி வழக்கில் உண்மை குற்றவாளிகளை கண்டறிய சி.பி.சி.ஐ.டி விசாரணைக்கு உத்தரவிட வேண்டும் என்பதும் வலியுறுத்தப்பட்டது.

இந்நிலையில் மேற்படி வழக்கை சி.பி.சி.ஐ.டி விசாரணைக்கு மாற்ற இதுவரை உத்தரவிடாததால் மதுரை முஸ்லிம் ஐக்கிய ஜமாத் தலைமையில் உள்ள 90 ஜமாத்தைச் சேர்ந்த முஸ்லிம்களும், அனைத்து முஸ்லிம் அமைப்புகளும் ஒன்றினைந்து எதிர்வரும் ஏப்ரல் 13ம் தேதி நடைபெற இருக்கும் தமிழக சட்டமன்ற தேர்தலை ஒட்டுமொத்தமாக மதுரை வாழ் முஸ்லிம்களை அனைவரும் புறக்கணிக்க முடிவு செய்துள்ளோம்.” இவ்வாறு பத்திரிக்கை செய்தி வெளியிடப்பட்டுள்ளது.


தமிழகத்தின் அரசியல் சூடு பிடுத்து விறுவிறுப்பாக சென்று கொண்டிருக்கிறது. யார் எப்பொழுது என்ன முடிவுகளை அறிவிப்பார்கள் என்று தெரியாமல் ஒரு புறம் அரசியல் கட்சிகளும் மறுபுறம் அவர்களது ஆதரவாளர்களும் எப்ரல் 13 யை நோக்கி அசுர வேகத்தில் பயனிக்கின்றனர். இதற்கு முஸ்லிம் கட்சிகள் ஒன்றும் விதிவிளக்கல்ல இதனை பார்க்கும் பொழுது அனைத்து தரப்பிலும் ஒரு அரசியல் சுனாமி அடித்திவிட்டு செல்லும் என்றே தோன்றுகிறது. இதில் ஆளும் கட்சியும், எதிர்கட்சியும் தனது நிலைப்பாட்டையும் அரசியல் கட்சிகளின் தொகுதி பங்கீடுகளையும் பல்வேறு பிரச்சனைக்ளுக்கு மத்தியில் ஒருவழியாக அறிவித்துவிட்டு நிம்மதி பெருமூச்சுவிட்டவர்களாக அரசியல் பிரச்சார களத்தை எதிர்நோக்க ஆரம்பித்துவிட்டனர்.

இந்த நிலையில் என்றும் இல்லாத அளவிற்கு முஸ்லிம் கட்சிகளும் தங்கள் பிரதிநிதிதுவத்தை வெளிக்கொணரும் விதமாக தமிழகத்தில் 14 க்கும் மேற்பட்ட இடங்களில் போட்டியிட தயாராகிவருகின்றனர். இதில் பேசப்படும் பெரிய கட்சிகளாக முஸ்லீம் லீக், மனித நேய மக்கள் கட்சி, சோஷியல் டெமாக்ரடிக் ப்ரண்ட் ஆஃப் இந்தியா (SDPI) ஆகியவை மக்களிடத்தில் தங்களை நிலை நிறுத்தி இருக்கின்றன. இதில் முஸ்லீம் லீக் ஆளும் கட்சியான திமுகாவுடன் இணைந்து மூன்று தொகுதிகளிலும், மமக எதிர்கட்சியான அதிமுகாவுடன் இணைந்து மூன்று தொகுதிகளிலும், தேசிய அரசியல் கட்சியான SDPI இவ்விரு அணிகளையும் சாராமல் தன்னிச்சையாக ஆறு தொகுதிகளிலும் களம் காணும் என்று அக்கட்சிகளின் தலைமை முடிவுகள் தெரிவிக்கின்றன.

இதே சூழலில் இன்னும் சில முஸ்லிம் அமைப்புகள் தங்கள் கருத்துகளையும் அறிவித்திருக்கின்றன. இதில் தமிழ்நாடு தவ்ஹீத் ஜமாத் அரசியலில் நாம் போட்டியிடுவதில்லை ஆனால் கல்வி வேலைவாய்ப்பு, பொருளாதரம் ஆகியவற்றில் முஸ்லிகல் முன்னேற ஆவன செய்யும் கட்சிகளுக்கு ஆதரவு என்றும் மமக எங்கு போட்டியிடுமோ அங்கு அவர்களை தோற்கடிப்பதற்காக வேலைகளை செய்வோம் என்று அறிவித்திருக்கிறது. இதே பொன்று இந்திய தவ்ஹீத் ஜமாத் அதிமுக-விற்கு தங்கள் ஆதரவு எனவும் முஸ்லிம் வேட்பாளர்கள் எங்கு போட்டியிடுவார்களோ அங்கு அவர்களூக்கு முழு ஒத்துழைப்பு அளிப்பது என அறிவித்திருக்கிறது. இதே போன்று அகில இந்திய இயக்கமான பாப்புலர் ப்ரண்ட் ஆஃப் இந்தியாவும் தம் நிலைப்பாடு SDPI போட்டியிடும் அனைத்து இடங்களிலும் SDPI செயல்வீரர்களூடன் இணைந்து தங்கள் செயல்வீரர்களும் களப்பணி ஆற்றுவார்கள் என்று SDPI க்கான ஆதரவை வெளிப்படுத்தியிருக்கிறது.

இந்த நிலைப்பாடு முஸ்லிம்கள் மத்தியில் பெரும் வருத்தத்தை ஏற்படுத்தியிருக்கிறது என்று சிலர் தெரிவிக்கின்றனர். இவ்வாறு இல்லாமல் முஸ்லிம் கட்சிகள் அனைத்தும் ஒருங்கினைந்து ஒற்றுமையோடு ஒரே கட்சியாக போட்டியிட்டால் வெற்றி பெற அதிக வாய்ப்பு இருக்கிறது என்றும் பரவலாக பேச்சு நடைபெறுகிறது. இனிமேல் அவ்வாறு பேசிக்கொண்டு இருப்பதில் பயனில்லை காரணம் இம்மூன்று கட்சிகளும் முடிவுகள் எடுத்துவிட்டது. இனி இதில் மாற்றங்கள் விளைய வாய்ப்புகள் இல்லை. நம் ஒற்றுமையை பற்றி இந்த தேர்தலை விட்டு விட்டு அடுத்த தேர்தல் வருவதற்கு முன் பேசி சுமூக தீர்வுகாண விளைவதுதான் புத்திசாலித்தனமாக இருக்கும். நமக்கு இருக்கும் சிறிய கால அளவை வீணடிப்பதை விட்டு விட்டு இந்த மூன்று கட்சிகளில் யாரை தேர்ந்தெடுப்பது என்பது பற்றி ஆராய்வோம்.

முஸ்லீம் லீக் – பல வருடங்கலாக அரசியலில் கூட்டனிவைத்து போட்டியிட்டு வருகின்றது வெற்றியும் பெற்றுள்ளது. ஆனால் ஏதேனும் நலத்திட்டங்களோ அல்லது சமூக மாற்றத்திர்கான முயற்சிகளோ இதன் மூலம் ஏற்பட்டிருக்கின்றதா என்றால் அநேக மக்களின் கருத்து இல்லை என்பதாகும். நிதர்சனமும் இதுதான். சட்டசபைக்கும், பாராளுமன்றத்திற்கும் செல்லும் நம் தலைவர்கள் நம்மை பற்றி பேசுவது என்பது குதிரைக்கு கொம்பு முளைத்த கதைதான். இதனால் மக்களுக்கு இவர்கள் மேல் இருந்த நம்பிக்கை மறைந்து கொண்டிருக்கிறது. இவ்வளவு காலம் அரசியலில் முஸ்லிம்களின் பிரதிநிதிகளாக நாம் இவர்களை தேர்ந்தெடுத்தோம் ஆனால் முஸ்லிம்களின் கல்வி, வேலைவாய்ப்பு இட ஒதுக்கீடு போன்ற விஷயங்கள் இவர்களால் நமக்கு கிடப்பதற்கு வாய்புகளே இல்லை என்னும் அளவிற்கு போய்விட்டது. இதற்கு காரணம் சமூகத்தை பற்றி சிந்திக்காமல் சீட்டில் மட்டும் குறிவைத்து அதற்காக கூலைகும்பிடு போட்டுக்கொண்டு திரிகிறார்கள்.

எந்த அளவிற்கு என்றால் சமீப காலத்திற்கு முன்னால் தோன்றிய சிறிய அரசியல் கட்சிகள் கூட தனகென்று தனி சின்னத்தை போராடி பெற்று அதில் போட்டியிட்டு வெற்றியோ தோல்வியோ தன் பலத்தை நிரூபித்து கொண்டிருக்கின்றனர். ஆனால் இவர்களோ காலம் முழுவதும் ஒரே சின்னத்தில் நின்று இரண்டு சீட்டிற்கும் மூன்று சீட்டிற்கும் காலில் விழாத குறையாக சமூகத்தின் தைரியத்தையும், பலத்தையும் சிதைத்துவிட்டனர். அதில் வெற்றி பெற்று சட்டசபை சென்றால் அங்கு குரல் கொடுக்க சொன்னால் கொரடாவில் இல்லாததை பேசக்கூடாது என்று விளக்கம் வேறு இவ்வாறு இருக்கும் இவர்களால் இந்த முஸ்லீம் சமூகத்திற்கு எந்த பயனும் இல்லை என்று எண்ண தோன்றுகிறது. ஆனால் இது ஒரு பழம் பெறும் கட்சி இது காயிதே மில்லத் சாஹிப் போன்ற சமூகத்திற்காக உழைத்த தன்னலமற்ற தலைவர்களால் ஆரம்பிக்கப்பட்டது. தமிழக அரசியலின் கடந்த கால வரலாறுகளை புரட்டினால் ஆட்சியில் யார் அமர வேண்டும் எனும் வெற்றி தோல்வியை நிர்ணயிக்கும் பலம் பொருந்திய கட்சியாக இருந்ததை யாராலும் மறுக்க முடியாது. இந்த கட்சியின் இன்றைய நிலையை சற்று சிந்திக்க கடமை பட்டுள்ளோம்.

அதன் பிறகு உருவாகியுள்ள இரண்டு கட்சிகள். இதில் யாரை தேர்ந்தெடுப்பது மனித நேய மக்கள் கட்சியா அல்லது SDPI யா இதுவே இன்று நம் முன் இருக்கும் மிகப்பெறும் கேள்வி. இதில் சற்று தொலைநோக்கு பார்வையுடனும், நடுநிலையோடும் சிந்திக்க கடமைபட்டுள்ளோம். காரணம் இரண்டும் சமூகத்திறகாக கடினமாக உழைக்கும் கட்சிகள் இவர்கள் சட்டசபைக்கு சென்றால் நிச்சயம் நம் சமூகத்தின் நன்மைக்காக உறுதிகுழையாமல் உழைப்பார்கள். ஆனால் இதில் யாரை முதலாவதாக தேர்ந்தெடுப்பது. அவர்களை எவ்வாறு தேர்ந்தெடுப்பது என்பதை நாம் தான் முடிவெடுக்க வேண்டும்.

கடந்த பாராளுமன்ற தேர்தலில் தேர்தல் களத்தை சந்தித்து அதில் தோல்வி அடைந்திருந்தாலும் அந்த தோல்வி அரசியல் அறிவை பெற மமக விற்கு துணைபுரிந்திருக்கிறது. அந்த அனுபவத்தோடு இந்த சட்டமன்ற தேர்தலில் அதிமுக வுடன் இணைந்து போட்டியிடயிருக்கிறது. இந்த சட்டசபை தேர்தலில் நாங்கள் கேட்கும் கோரிக்கைகளை தரும் கட்சியுடன் கூட்டனி அல்லது எங்கள் கோரிக்கைகளை அங்கீகரிக்கும் அரசியல் கட்சிக்கு எங்களுடைய சமூகத்தின் முழு ஆதரவு என்று ஏதேனும் கோரிக்கை (Demand) வைத்ததாக நமக்கு தெரியவில்லை. இது சீட்டு தந்தால் போதும் என்று அதிமுக-வின் பின்னால் போய்விட்டார்களே என்று எண்ண தோன்றுகிறது. இருப்பினும் மக்கள் விரோத தி.மு.க., அரசை வீழ்த்த, வரும் சட்டசபை தேர்தலில் அ.தி.மு.க.,வுடன் கூட்டணி அமைத்து, வெற்றிக்கு பாடுபடுவது என்று அறிவித்திருக்கிறது.அதாவது திமுக வை தோறகடிக்க அரசியல் களம் காண இருக்கிறது மமக. எந்த ஒரு கோரிக்கையும் வைக்காமல் சீட்டை மட்டும் எதிர்பார்த்து ஏழு மாதங்களுக்கு முன்பே அதிமுக-வுடன் கூட்டனி பேச்சுவார்த்தை தொடங்கியது நம் சமூகத்தில் இவர்களுக்கு இருந்த நற்பெயரை சீர்குழைக்கும் விதமாக அமைந்துவிட்டது.

அதனோடு சேர்த்து விகிதாச்சார அடிப்படையில் முஸ்லிம்களுக்கு இட ஒதுக்கீடு நிர்ணயிக்க வேண்டும்; மத்திய அரசின் தவறான பொருளாதார கொள்கையினால், பன்னாட்டு நிறுவனங்கள் சில்லறை வணிகத்தில் ஈடுபடுவதால் விலைவாசி அதிகரித்துள்ளது அதை கட்டுபடுத்த வேண்டும் என்ற ஓரிரு கோரிக்கைகளை முன்வைத்தது சமூகம் அதிகாரத்தை அடைவதற்கு போதாது, பொறுந்தாது என்றே நினைக்க தோன்றுகிறது. ஆனால் இந்த கோரிக்கைகள் சற்று மனதுக்கு ஆறுதல் அளிக்கும் விஷயம் என்றே குறிப்பிடமுடியும். இது போன்ற அறிக்கைகளை வைத்து பார்க்கும் போது இவர்களுடைய தலைவர்கள் நம் சமூகத்தில் உள்ள மக்களிடம் கலந்துரையாடாமல் தன் சுய கருத்தை சமூக கருத்தாக அறிவித்தார்களோ என்ற சந்தேகமும் எழுகிறது.

ஆனால் இப்பொழுது இவர்கள் தொடங்கியிருக்கும் தேர்தல் பிரச்சாரத்தின் வாசகங்கள் நம்மை தடுமாற வைக்கிறது. காரணம் கல்வி, வேலை வாய்ப்பு, அரசியல் அதிகாரங்களில் சமுதாயத்தின் பிரதிநிதித்துவம் அங்கம் பெற, கிடைத்த இட ஒதுக்கீட்டை முழுமைப் படுத்த, இது போன்ற சமுதாய கோரிக்கைகளை சட்டம் இயற்றும் அவைகளுக்குள் சொந்த அடையாளத்தோடு எடுத்துவைக்க நமக்கு அதிகாரம் தேவை அதற்காக நாம் பலவழிகளை கையால்வோம் அதில் ஒன்றுதான் இந்த கூட்டனி. சீட்டு பெறுவதற்கு முன்னால் எந்த ஒரு கோரிக்கையும் வைக்காமல் இருந்த இவர்கள். சீட்டை பெற்ற பிறகு அதீத கவனமும், அதிகார வர்கத்தில் நாம் அமர்வதற்காக இவர்கள் நடத்திய நாடகாம இருக்குமோ என்றும் கூறத்தோன்றுகிறது. இதை தான் அரசியல் வித்தை என்பார்களோ என்று கூறுமளவிற்கு சிந்தனையில் ஆழ்த்துகிறது. அந்த அதிகாரம் பெற என்ற இவர்களது தேர்தல் பிரச்சாரங்ககலை பார்க்கும் போது புலி பதுங்கியது பாய்வதற்கு தான் என்று எண்ணம் எழாமலில்லை.ஆனால் சீட்டை பெறுவதற்கு முன்னமே மற்ற அரசியல் கட்சிகளுடன் கலந்தாலோசனை செய்யாதது தவறு என்பது மட்டும் உண்மை. அதை நிவர்த்தி செய்யும் விதமாக தான் இப்பொழுதாவது சமுதாய தலைவர்களை சந்தித்து கொண்டிருப்பது வரவேற்கதக்க விஷயம்.

SDPI – இது ஒரு தேசிய அரசியல் கட்சியாக பரிணமித்திருக்கிறது. இக்கட்சி தேசிய அளவில் தேர்தல் களம் கண்டு ராஜஸ்தான், கர்நாடகா, கேரளா ஆகிய இடங்களில் வெற்றிகளை ஈட்டியிருந்தாலும் தமிழக அரசியலை பொறுத்தவரை புதிய அரசியல் கட்சிதான். இவர்கள் திருச்சி வார்டு எலக்சனில் சமீபத்தில் போட்டியிட்டார்கள் அது ஒன்றும் மிகப்பெறும் அரசியல் அனுபவத்தை கொடுக்க வாய்ப்பில்லை. ஆனால் இவர்கள் வைக்கும் கோரிக்கைகளும், இவர்கள் விடும் அறிக்கைகளும் அரசியலில் பழம் தின்று கொட்டை போட்டவர்களை மிஞ்சும் அளவிற்கு இருப்பது விந்தையானதே. தேர்தல் களத்தை சந்திப்பதற்கு முன்னால் இவர்கள் தமிழகத்தின் இரண்டு பெரும் கட்சிகளுக்கு வைத்த கோரிக்கை நாங்கள் உங்கள் கட்சிக்கு ஆதரவு அளிக்க வேண்டும் என்றால் சதவிகித அடிப்படையில் முஸ்லிம்களுக்கு 10% இட ஒதுக்கீடு இந்த சட்டசபை தேர்தலில் வழங்கப்பட வேண்டும் அதாவது தமிழகத்தின் 234 தொகுதிகளில் 23-24 தொகுதிகளை முஸ்லிம் கட்சிகளுக்கு ஒதுக்கபட வேண்டும் அவ்வாறு அளிக்கும் கட்சிக்கு ஆதரவாகவும், அக்கட்சியின் வெற்றிக்காகவும் SDPI போராடும் என்ற அறிவிப்பு செய்தார்கள்.

இது சமூக மக்களிடத்திலும் சரி அரசியல் வ்ட்டாரங்களிலும் சரி புது விதமான யாரும் யோசித்திராத விதத்தில் அதே நேரத்தில் தனது கட்சியை பற்றி சிறுதும் கவலைப்படாமல் அறிவித்த அறிக்கையாகவே தெரிந்தது. காரணம் ஆரம்பிக்கப்பட்டு ஒன்றரை வருடத்தில் இந்த அளவு தைரியமாக அரசியல் கட்சிகளுக்கு Demand வைத்தது யாரும் இல்லை என்பதால். அதை தொடர்ந்து வக்பு சொத்துகளை முறைபடுத்துவது, சிறைகளில் வாடும் அப்பாவி முஸ்லிகளை விடுதலை செய்ய ஆவன செய்வது, பாபர் மசூதி இடிப்பு, மீனவர்கள் பிரச்சனை, கல்வி, வேலவாய்ப்பு, பொருளாதரத முன்னேற்றத்தை கொண்டுவருதல் என அடுக்கடுக்காக இவர்கள் வைத்த கோரிக்கைகள், இவர்கள் அரசியலில் ஆபத்தானவர்கள் என்று அரசியல்வாதிகளை மிரள வைத்தது. அத்தோடு தங்கள் ஒவ்வொரு கூட்டங்களிலும் ஒடுக்கபட்ட, தாழ்த்தப்பட்ட மக்களையும் அரவணைப்பது இவர்களது கூடுதல் பலம்.

அதன் தொடர்சியாக இவர்களிடத்திலும் சீட்டு பேறம் நடைபெற்றதாக தகவல். ஆனால் அதை உதறி தள்ளிவிட்டு தனித்து போட்டியிடுவோம் என அறிவித்தது இவர்களது தன்னிம்பிக்கையையும், தளராத தைரியத்தையும் காட்டுகிறது.. இவை அனைத்தையும் வைத்து பார்த்தால் இது தனி மனித மூளையால் சிந்த்திக்க முடியாது இந்த கட்சிக்கு பின்னனியாக ப்லமிக்க போராட்ட குணம் கொண்ட தன்னையும் தன் கட்சியையும் பற்றி கவலை கொள்ளாத, சமூகத்தின் வலிமையை தன் வலிமையாக கொண்டு சிந்திக்கும் நல்ல தலைமை இருக்குமோ என்று பாமரனையும் யோசிக்க வைக்கும் விதத்தில் அமைந்திருக்கிறது. இந்த போரட்ட குணம் இறுதிவரையில் இருந்தால் நல்லது.

கட்சிகளின் நிலைமைகள் இவ்வாறிருக்க போட்டியிடும் தொகுதிகளின் அடிப்படையில் இம்மூன்று கட்சிகளும் ஒருவரை ஒருவர் நேருக்கு நேர் சந்திக்கும் நிலைமை எற்பட்டுள்ளது. இதில் மனிதநேய மக்கள் கட்சியும் எஸ்.டி.பி.ஐயும் இராமநாதபுரம் தொகுதியிலும், துறைமுகம் தொகுதியில் எஸ்.டி.பி.ஐயும், இ.யூ.முஸ்லிம் லீக்கும் நேருக்கு நேர் அரசியல் களத்தில் சந்திக்கின்றன. இவர்கள் போட்டியிடும் மற்ற தொகுதிகளில் முஸ்லிம்கள் தங்களது ஒற்றுமையை நிலைநாட்ட முடியும். இந்த இடம் அல்லாமல் SDPI போட்டியிடும் போட்டியிடும் கடையநல்லூர்(நெல்லை மாவட்டம்), பூம்புகார்(நாகை மாவட்டம்), தொண்டமுத்தூர்(கோவை மாவட்டம்), நிரவி திருப்பட்டினம் (புதுச்சேரி மாநிலம் காரைக்கால் மாவட்டம்) ஆகிய நான்கு தொகுதிகளிலும் முஸ்லிம்கள் அனைவரும் SDPI-யை ஆதரிக்க வேண்டும். அதே போன்று மமக போட்டியிடும் சேப்பாக்கம்(திருவல்லிக்கேணி), ஆம்பூர் ஆகிய தொகுதிகளில் நாம் அனைவரும் மமக-வை ஆதரிக்க வேண்டும். முஸ்லீம் லீக் போட்டியிடும் வாணியம்பாடி, நாகப்பட்டினம் ஆகிய தொகுதிகளில் முஸ்லீம் லீக்கை ஆதரிக்க வேண்டும். இதில் அந்தந்த அரசியல் கட்சிகளுக்கூட கருத்து வேறுபாடு இருக்காது என்று கூட கூற முடியும்.

இதில் குழப்பம் மிகுந்த இராமநாதபுரம் மற்றும் துறைமுகம் தொகுதிகளில் போட்டியிடும் கட்சிகளின் கொள்கை, அவர்களது கோரிக்கைகள், சமுதாயத்திற்கு பாடுபடும் மனநிலை, அரசியல் கட்சிகளிடம் இவர்கள் செய்த Demand ஆகியவற்றை கருத்தில் கொண்டு ஆதரவு அளிக்க வேண்டும். இதனை அந்த தொகுதிகளை சேர்ந்த மக்கள் சிந்தித்து முடிவெடுக்க வேண்டும். இதில் குழப்பம் நிறைந்த தொகுதிகளில் அக்கட்சிகளின் கடின உழைப்பு தீர்மானிக்கும் அது போக மீதமுள்ள தொகுதிகளை நாம் குறிப்பிட்டபடி தேர்தல் களம் கண்டால் இன்ஷா அல்லஹ் நம்மிடமிருந்து 4+2+2 = 8 சட்டசபை உறுப்பினர்கள் தேர்ந்தெடுக்கப்படுவார்கள்.

ஆதலால் ஒற்றுமையில்லை என்ற மனநிலையை அகற்றிவிட்டு முன்னால் இருந்ததைவிட இயக்கங்களின் வருகையினாலும், கட்சிகளின் தோற்றங்களாலும் முஸ்லிம் சமூகத்திற்கு பலன்கள் தானே தவிர இழப்புகள் இல்லை என்பதே நிதர்சனம்.இந்த அடிப்படையில் நாம் பயனித்தால் நிச்சயம் அடுத்த தேர்தலில் நாம் நினைக்கும் அனைத்து கட்சிகளும் ஒன்றினைந்து ஓரணியில் அரசியல் களம் காண்பது சாத்தியமாகும். சிந்திப்போம்…….

புதுவலசை பைசல்


The correct answer will come on May 13 when votes for new Assembly in Assam, West Bengal, Kerala, Tamil Nadu and Puducherry will be counted. The Assembly Poll 2006 saw 105 Muslim MLAs entering the Houses. Will the Poll 2011 increase the number or decrease it?

The five assemblies have a total of 824 seats, and there are a total of 105 Muslim MLAs there – that is 12.74%. However, if we deduct 175 seats reserved for SCs/STs from the total of 824, the percentage of Muslim representation is 16.17%.

State ———-Total No. of Seats —–Muslim MLAs

Assam—————126——————–25
West Bengal———294——————–46
Kerala————–140——————–25
Tamil Nadu———-234——————–07
Puducherry—- —–30——————–02

Of five, Assam, West Bengal and Kerala have around 30% Muslim population each, and thus these three state assemblies have more Muslim MLAs than many other states. West Bengal, despite having 84 reserved seats, has 46 Muslim MLAs. However, the number could further go up in this assembly poll as there is a race among both ruling and opposition parties to capture the Muslim vote to come to power. While the Left Front has fielded 56 Muslim candidates Trinamool Congress has given tickets to 39. The Congress, which is contesting on 65 seats in alliance with the Trinamool, is yet to announce its candidates.

State —–Total No. of ACs —- Reserved for SC —–Reserved for ST

Assam—————126——————-08————————16
West Bengal———294——————-68————————16
Kerala————–140——————-14————————02
Tamil Nadu———-234——————-44————————02
Puducherry———–30——————-05————————00